Dafna dena...

Mere saath dafna dena
maa ki woh tasweer
jo main seene se lagaye rakhta hun
Chhotee, fighter aur Diana ki yaaden
jinke saath maine pandrah saal guzare
mera woh mobile
jiske saath meri dunya judhi hai
khubsurat lamhon ki woh saree yaaden
jinke saath main jeeta hun
mera woh tennis ka racquet
jisne mujhe kai matches jeetaye
mera woh guitar
jise aaj bhi main seekh nahin paya
mere patients ke duvayen aur bad-duvayen
jinhe maine treat kiye
aur mere tamaam doston ki woh baaten
jo mere khayalo mein rahte hain
mere saath dafna dena...